VIDEO/ “Jam i vetmi shqiptar që nuk ha fasule”, Espanjol u tregon tifozëve “Pitbullin” Bare

Panorama Sport | Lajmet e fundit nga sporti

Postuar: Shkurt 26, 2021 | 9:33

VIDEO/ “Jam i vetmi shqiptar që nuk ha fasule”, Espanjol u tregon tifozëve “Pitbullin” Bare

Mesfushori i Kombëtares, Keidi Bare është duke kaluar një formë mjaft të mirë te skuadra e Espanjolit në ligën e dytë spanjolle. Fieraku, iu bashkua katalanasve në fillim të sezonit, teksa ka arritur të shndërrohet në një nga lojtarët më të rëndësishëm të këtij ekipi.

Keidi Bare

Bare ka fituar besimin e plotë e plotë të trajnerit, duke u aktivizuar titullar në pothuasje të gjitha ndeshjet e fundit.

Nëpërmjet një rrëfimi të fundit në kanalin zyrtar të Espanjolit mes disa pyetjeve të shkurtra, klubi i tregon tifozëve edhe disa anë të tjera të Keidi Bares dhe sekrete që nuk njiheshin më parë. Gjithçka nis me nofkën “Pitbull” që i kanë vënë futbollistit, teksa mes përgjigjeve të dhëna dallon edhe pjata tipike shqiptare, fasulet.

“Nofka “pitbull” – “Më pëlqen që më thërrasin kështu. Nuk e di pse ma kanë vënë këtë nofkë, për mënyrën se si jam, për mënyrën se si vrapoj, nuk e di të them të drejtën”, u shpreh fillimisht mesfushori.

Si është Keidi Bare? “Është një anë tjetër e imja që ju nuk e njihni, jam pak person pak i frikësuar”.

Shqipëria dhe fasulet – Është një vend shumë bujar dhe më pëlqen ushqimi. Të gjithë atje hanë fasule. Hanë fasule, por unë jam i vetmi shqiptar që nuk i ha, imagjinojeni pak…”, tha duke qeshur Bare.

E dashurojnë futbollin në Shqipëri? “Po në Shqipëri e dashurojnë shumë futbollin, sidomos Kombëtaren”, pohoi më pas ai ndër të tjera në këtë intervistë ku tregoi disa gjëra për veten e tij, duke zbuluar për shembull se kishte realizuar ëndrrën që kishte pasur për të njohur një të famshëm, pasi kishte qenë në një skuadër me idhullin e tij  Fernando Torres.

PANORAMASPORT.AL

NDIQE LIVE "PANORAMA TV"