Një episod qesharak u regjistrua në sfidën e Champions-it, mes Dinamos së Kievit dhe Benfikës, ku protagonist u bë gjyqtari anglez Antoni Tejlor.

Veprimi i tij është duke bërë xhiron e rrjetit. Anglezi rrëmbeu skenën, me një gabim të tijin, teksa video u bë virale në rrjetet sociale.

42-vjeçari, i cili gjykon në Ligën Premier për 10 vjet, i dha gabimisht  në minutën e 80-të, lojtarit të Dinamos së Kievit, Garmash, kartonin e dytë të verdhë dhe e përjashtoi me të kuq, edhe pse ai nuk kishte marrë karton më herë gjatë gjithë ndeshjes.

Well done to our good friend Anthony Taylor, who gave Dynamo Kyiv midfielder Denys Garmash his second yellow card and sent him off vs.Benfica

Although he hadn’t been booked yet! ??#ucl #dkvben pic.twitter.com/qtTXkl2Zth

— From The Shed End (@FromTheShedEnd) September 14, 2021

Gramash u habit nga vendimi i gjyqtarit, teksa u përpoq t’i sqaronte që ai ishte kartoni i parë i verdhë që po merrte. Tejlor më pas u kthjellua, teksa e tërhoqi vendimin e tij, teksa lojtari vijoi lojën normalisht. Sfida mes Dinamos së Kievit dhe Benfikës u mbyll në barazim pa gol.

PANORAMASPORT.AL

NDIQE LIVE "PANORAMA TV"

---