VIDEO/ Elis Bakaj shkëlqen në Bjellorusi, gol dhe asist në fitoren e thellë të Shaktjorit
Elis Bakaj vazhdon me një formë të shkëlqyer në Bjellorusi. Futbollisti shqiptar, ishte sërish protagonist sot për Shaktjor Soligorsk, në fitoren 5-1 në shtëpi ndaj Slavia Mozyr.
Bakaj shërbeu në minutën e 41-të, Bodul, i cili doli saktë para portës, dhe shënoi të dytin për Shaktjorin. Ndërkohë, shqiptari gjeti edhe rrugën e rrjetës, në minutën e 73-të, teksa çoi shifrat në 4-1.
Bakaj u shërbye në hyrjen e zonës teksa ishte i lirë, dhe me të majtën goditi rrafsh me tokën, e me ndihmën edhe të shtyllës pingule, çoi topin në fundin e rrjetës. Në fund, ekipi i shqiptarit mori fitoren, dhe tani e gjen veten në vendin e dytë, 6 pikë më pak se Brest i vendit të parë.
Ndërkohë, pas 28 ndeshjesh, ky ishte goli i 10-të për Bakajn, ndërkohë që ka dhënë edhe 9 asiste.
PANORAMASPORT.AL
NDIQE LIVE "PANORAMA TV"