VIDEO/ Elçe shtang Realin në “Bernabeu”, Benzema rrezikon të humbasë supersfidën ndaj PSG-së
Reali i Madridit regjistroi një hap fals në kampionat, teksa nuk shkoi më shumë se barazimi 2-2 në shtëpi ndaj Elçes, teksa diferenca nga Sevija e vendit të dytë mbetet 4 pikë.
Në minutën e 33-të, Benzema gaboi nga pika e bardhë e penalltisë, teksa Boje, në minutën e 42-të, kaloi në avantazh miqtë e Elçes, duke bërë që pjesa e parë të mbyllej me rezultatin 0-1. Si të mos mjaftonte penallti e humbur, ylli i madrilenëve, Karim Benzema, la fushën e lojës i dëmtuar në minutën e 58-të, ndërkohë që Elçe, në të 76-tën, dyfishoi përkohësisht sifdat me futbollistin Milla.
Për të shpëtuar skuadrën e Ançelotit nga humbja, menduan Modriç dhe Militao. Kroati hapi ndeshjen me golin e tij të realizuar në minutën e 82-të, ndërkohë që mbrojtësi Miliato vendosi baraspeshën në minutën 90+2. Vlen të theksohet se sfidën e radhës Reali do ta zhvillojë sërish në shtëpi ku do të presë Granadën.
Dhimbje koke për trajnerin Ançeloti, pas duelit ndaj Elçes, pasi madrilenët rrezikojnë të humbasin Karim Benzemanë për shkak dëmtimi për takimin e Champions-it ndaj PSG-së.
REAL MADRID-ELÇE 2-2
82’ Modriç, 92’ Militao/ 42’ Boje, 76’ Mila
PANORAMASPORT.AL
NDIQE LIVE "PANORAMA TV"