VIDEO / E provoi deri në fund, Vllaznia e femrave dorëzohet përballë Juventusit në Ligën e Kampioneve
Vllaznia i ka dhënë lamtumirën Ligës së Kampioneve për femra në fazën play-off të turneut, duke iu afruar shumë afër asaj që do të ishte realizimi i një objektivi të jashtëzakonshëm, pjesëmarrjes në grupet e aktivitetit. E ka bërë duke u eliminuar nga një emër i njohur si Juventusi, që ka qenë superior në të dy ndeshjet.
Vajzat kuqeblu u mundën 2-0 në shtëpi në sfidën e parë, ku kishin raste për shënim ndërsa sot, në Torino, janë mundur me shifrat 1-0. Një pakujdesi në prapavijë i dha mundësinë Staskova të shënonte golin e avantazhit kur regjistrohej minuta e 34-t.
Ky rezultat qëndroi në fuqi deri në vërshëllimën përfundimtare të ndeshjes, edhe pse Vllaznia u mundua në fund që të shënonte një gol për një barazim historik, por nuk ia arriti qëllimit të saj.
Juventus-Vllaznia 1-0
34’ Staskova
Juventus (4-3-3): Pejro-Manjin; Lundorf, Gama, Lencini, Boatin; Rosuçi, Pedersen, Karuso; Bonfantini, Staskova, Hurtig.
Trajner: Xh. Montemurro.
Vllaznia (4-4-2): Buhigas; Ramadani, Gjini, Maliqi, Curraj; Levenaj, Franja, Berisha, Halilaj; Doçi, Krasniqi.
Trajner: N. Leka
