VIDEO/ E majtë vrastare, shoku shqiptar i Uzunit “ngrin” portierin kundërshtar me supergol
Lokomotiva e Zagrebit mund të quhet pa frikë skuadra e dëshiruar e futbollistëve shqiptarë. Pas shpërthimit në javët e fundit të futbollistit të kombëtares së Shqipërisë Myrto Uzuni, sot është radha e shokut të skuadrës Lirim Kastrati të bëhet protagonist me skuadrën e Lokomotivës.
21-vjeçari shënoi golin e takimit kundër Zapresiçit në javën e 24-rt të ligës kroate të futbollit. Pasi depërtoi në zonën kundërshtare, futbollisti i Kosovës goditi me të majtën duke mos i dhënë asnjë shans portierit rival për të reaguar.
Kastrati është ndër futbollistët më të mirë të Lokomotivës së Zagrebit teksa ka realizuar deri tani 9 gola në 23 ndeshje. Së bashku me Myrto Uzunin udhëheqin skuadrën në kampionat.
Sezonin e ardhshëm Kastrati do të luajë me klubin më të mirë të Kroacisë Dinamo e Zagrebit, ku shpreson të përsërisë formën e mirë të treguar në sezonet e fundit me Lokomotivën.
PANORAMASPORT.AL
NDIQE LIVE "PANORAMA TV"