Devolli është zhvendosur në Durrës prej dy ditësh. Për të evituar lodhjen e rrugës dhe përshtatur me klimën (pasi dihet që në qytetin bregdetar është më nxehtë se në Bilisht), drejtuesit vendosën që skuadra të grumbullohet më shpejt.

Kjo i ka krijuar luksin stafit teknik që të punojë i përqendruar. Stërvitja nën drejtimin e Erindi Maneshit ka vijuar me ritëm të lartë dje, ndërsa porositë nuk kanë munguar.

Ditën e sotme është regjistruar edhe një surprizë e këndshme për bilishtarët. Ish-trajneri Stavri Nica, i cili drejtoi skuadrën juglindore 2 sezone më parë në Kategorinë e Parë, ka qenë i pranishëm në kompleksin “Tropikal”, për t’i dhënë bekimin e tij dhe për t’i uruar fat Devollit, në ndeshjen finale të sezonit.

PANORAMASPORT.AL

NDIQE LIVE "PANORAMA TV"

---