VIDEO/ Dy gafa qesharake të norvegjezëve, Prishtina fiton me përmbysje ndaj Bodo Glimtit dhe ëndërron kualifikimin historik
Prishtina i ka surprizuar të gjithë, teksa ka triumfuar me përmbysje 2-1 ndaj kampionëve të Norvegjisë, Bodo Glimt. Miqtë kaluan të parët në avantazh në minutën e 11-të me anë të futbollistit Berg, ndërkohë që Oto Xhon vendosi baraspeshën në fundin e pjesës së parë. Ish-sulmuesi i Skënderbeut, përfitoi nga dalja e gabuar e portierit mik, duke goditur saktë me kokë, teksa vendosi baraspeshën e përkohshme.
Në pjesën e dytë, më konkretisht, në minutën e 82-të, mbërriti një tjetër dhurat nga norvegjezët, për kampionët në fuqi të Kosovës. Pas një mosmarrëveshje me portierin, mbrojtësi Lode, shkakton autogol qesharak me kokë, duke i dhuruar triumfin skuadrës bardheblu.
Falë këtij triumfi, skuadra e drejtuar nga trajneri Ramadani, ka nisur të ëndërrojë një kualifikim historik për në fazën “Play Off”, teksa i duhet të menaxhojë këtë fitore. Ndeshja e radhës do të zhvillohet pas 1 jave në stadiumin e Bodo/Glimt.
FT: Prishtina-Bodo/Glimt 2-1
44′ Oto Xhon, 82′ Lode (autogol) / 11’ Berg
AUTOGOLI I BODO GLIMT:
GOLI I PARË PRISHTINËS:
GOLI I BODO GLIMT:
FORMACIONET ZYRTARE
PANORAMASPORT.AL
NDIQE LIVE "PANORAMA TV"