VIDEO/ “Dua të rri edhe tri vite te Shqipëria”, Edi Reja i’a shpreh dëshirën e ditëlindjes Taulant Ballës

Panorama Sport | Lajmet e fundit nga sporti

Postuar: Tetor 10, 2021 | 14:22


VIDEO/ “Dua të rri edhe tri vite te Shqipëria”, Edi Reja i’a shpreh dëshirën e ditëlindjes Taulant Ballës

Kryeministri Edi Rama dhe kreu i grupit parlamentar socialist, Taulant Balla kanë uruar trajnerin e kombëtares Edoard Reja me rastin e 76-vjetorit të lindjes.

245225480_933797844150436_9153318663419525023_n

Kreu i qeverisë shqiptare ka postuar në rrjete sociale një video të publikuar më herët nga Federata Shqiptare e Futbollit nga festa e lojtarëve për ditëlindjen e teknikut të kuqezinjve.

Rama shkruan urimin në Facebook në gjuhën shqipe dhe italiane.

“Respekt. Gëzuar Ditëlindjen Mister Reja, tanti auguri a te” – shkruan Rama në Facebook.

Ndërsa kreu i grupit parlamentar të PS-së, Taulant Balla ka publikuar një video pas ndeshjes së djeshme me trajnerin Reja duke i uruar 76-vjetorin.

“Urime dhe gëzuar ditëlindjen dhe faleminderit për gjithçka keni bërë për kombëtaren”, thekson Balla në videon e shpërndarë sëbashku me trajnerin Reja në facebook.

Mbrëmjen e djeshme, Shqipëria shënoi një tjetër fitore historike kundër Hungarisë duke e mbajtur gjallë ëndrrën drejt Botërorit.

Kuqezinjtë iu falën një goli të 19-vjeçarit Armando Broja i cili hyri në lojë në pjesën e dytë duke tundur rrjetën e hungarezëve.

PANORAMASPORT.AL


Për t’u bërë pjesë e grupit të "Panorama Sport" mjafton të klikoni: Join Group dhe kërkesa do t’ju aprovohet.
KOMUNITETI PANORAMA SPORT: https://www.facebook.com/groups/sportionline/