VIDEO/ Drejtori i stadiumit provokoi tifozët e kuq, iu ktheu flakadanin
Dhuna e shfaqur në fundin e ndeshjes mes Tiranës dhe Partizanit nuk ishte rastësi, sepse shenjat e para që kjo sfidë nuk do të ishte si gjithë të tjerat u kuptuan në momentin kur sulmuesi Sukaj kaloi në avantazh Partizanin.
Në atë çast, tifozët e kuq filluan të festonin në mënyrë legjitime një gol mjaft të bukur të shkodranit dhe ndezën flakadanë.
Njëri prej tyre u hodh nga tifozët në drejtim të fushës dhe në atë moment, drejtori i stadiumit “Selman Stërmasi” ua ktheu mbrapsht tifozëve. Diçka e tillë i irritoi shumë tifozët e Partizanit, të cilët nuk e pritën aspak mirë veprimin e drejtorit Ksenofon Haskocela dhe filluan të shkulnin stolat duke i hedhur në drejtim të tij dhe të fushës së lojës. Shkulja e stolave nga tifozëritë duket se po bëhet një modë e shëmtuar në futbollin shqiptar, kur të gjithë festojnë dhe irritohen.
NDIQE LIVE "PANORAMA TV"