VIDEO/ Dramë në “Selman Stërmasi”, Tirana thyen Bylisin mes polemikave për arbitrimin
Dramë në “Selman Stërmasi”. Tirana ka mposhtur me rezutlatin 2-1 Bylisin, falë golit të realizuar nga Majkëll Ngo në minutën e 96-të.
FOTO: F.HAZISLLARI
Ky gol ka tërbuar stafin dhe lojtarët e ballshiotë, të cilët nuk pajtohen me vendimin e gjyqtarit Enea Jorgji. Për sa i përket ndeshjes. Bardheblutë kaluan të parët në avantazh në minutën e 19-të, falë golit të Kale, ndërkohë që Hidi barazoi shifrat në minutën e 65-të, nga pika e bardhë e penalltisë.
FOTO: F.HAZISLLARI
Bylisi mbeti me 10 lojtarë në minutën e 74-t, teksa Mëllugja u ndëshkua me karton të kuq. Kur u mendua që ndeshja do të përfundonte në barazim, Ngo realizoi në frymën e fundit, pas një rrëmuje brenda zonës, duke i dhënë 3 pikë të arta bardhebluve.
FT: TIRANA-BYLIS 2-1
Kale 19′, Ngo 90+6 / Hidi 65′ (p)
KOMENTI LIVE:
Përfundon takimi.
90+6 GOOOOOL TIRANA 2-1/ Dramë në “Selman Stërmasi”, Ngo i jep 3 pikë të arta bardhebluve! Sulmuesi shënon pas një rrëmuje brenda zonës, protestojnë ashpër futbollistët ballshiot.
90+4′ Goxha ndëshkohet me karton të verdhë për ndërhyrje të gabuar ndaj Bathës. Futbollisti humbet ndeshjen e radhës ndaj Teutës.
90′ Akordohen 4 minuta shtesë.
90′ Ismajlgeci kroson nga e majta për Majkëll Ngo, i cili gjuan me kokë, por jashtë kuadratit.
87′ Tirana e gjitha në sulm në kërkim të golit, mbrohet mirë skuadra ballshiote që nuk lejon hapësira.
84′ Zëvendësim i tretë te Bylis, largohet Bajramaj, në fushë Ujka.
79′ Zëvendësim te Tirana, largohet nga fusha Kale, vendin e tij e merr Ernest Muçi.
74′ Bylisi me 10 lojtarë, mesfushori Mëllugja ndëshkohet me kartonin e dytë të verdhë pas ndërhyrjes së gabuar ndaj Torasës.
71′ Çelhaka ndëshkohet me karton të verdhë për ndërhyrje të gabuar.
70′ Tjetër mundësi për Tiranën me Torasën, gjuajtja e futbollistit argjentinas është ndalur nga portieri Hidi.
66′ Fantastik Ntepe, i cili mban në lojë Bylisin, duke i hequr topin Ngosë shumë pranë vijës fatale.
65′ GOOOL BYLISI 1-1/ Vendoset barspesha në “Selman Stërmasi”, Isli Hidi, tregohet i saktë nga pika e bardhë e penalltisë.
64′ Penallti për Bylisin, pas prekjes së topi me dorë nga Doka. I drejtë vendimi i gjyqtarit.
62′ Shans i artë për Tiranën, shtylla i mohon golin mesfushorit Kobina.
60′ Aksion fantastik i Bylisit. Goxhaj kombinon bukur me Guindon, ky i fundit lëviz bukur brenda zonës, gjuan, por ndalet nga Lika. Vendimtare ndërhyrja e gardianit bardheblu.
54′ Inkursion fantasti i Goxhës nga e djathta, provon të gjuaj drejt portës, por ndalet nga Albi Doka.
50′ Zëvendësim i dytë te Bylisi, largohet nga fusha e lojës Ndreca, vendin e tij e zë Majkëll Peçi.
46′ Starton pjesa e dytë. Asnjë ndryshim në radhët e dy ekipeve.
Përfundon pjesa e parë.
45′ Aktivizohet 1 minutë shtesë!
44′ Goditje dënimi për Bylisin, Murataj gabon në harkimin e topit. Largojnë bardheblutë.
41’ Sulme dhe kundërsulme nga të dy skuadrat në një ndeshje shumë të hapur.
36′ Zëvendësim te Bylisi, largohet Andi Hadroj, vendin e tij e zë Ditmar Bicaj.
35′ Kale depërton bukur nga e djathta, provon të shërbejë në qendër për Ngo, por topi devijohet në këndore.
33′ Kobina ndëshkohet me karton të verdhë pas ndërhyrje të gabuar ndaj Bajramajt.
31′ Goditje dënimi nga e djathta për Bylisin, kroson Murataj, futbollistët ballshiot pretendojnë për 11-metërsh, por nuk është i këtij mendimi gjyqtari Jorgji.
29′ Donald Mëllugja është i ndëshkuari i parë i sfidës.
22′ Tjetër mundësi për Tiranën, me Kobina, por futbollisti nuk koordinohet siç duhet brenda zonës.
19′ GOOOOL TIRANA 1-0/ Fantastik braziliani Kale, i cili pas një kombinimi me Torasës, i ka dalë topi me fat dhe me një gjuajtje të kalibruar e dërgon në cepin e portës së Hidi.
15′ Tirana më konkrete në këto minuta të para. Bardheblutë kërkojnë të avancojnë në zonën e Bylisit, por mungojnë sulmuet e rrezikshme në portën e Hidit.
8′ Kërcënon Bylisi me Guindon, topi devijohet dhe shkon në goditje këndi.
5′ Mundësi e mirë kundërsulmi për Tiranën me Ngo, por sulmuesi nuk tregohet i saktë në pasim, duke sfumuar një rast ideal.
1′ Starton sfida, bardheblutë menjëherë në sulm, në kërkim të golit.
FORMACIONET ZYRTARE:
Tirana: Lika, Doka, Muça, Vangjeli, Ismajlgeci, Batha, Celhaka, Torasa, Kobinah, Kale, Ngo. Trajner: Emanuel Egbo.
Bylisi: Hidi, Janku, Goxhaj, Ndephe, Murataj, Mëllugja, Bajramaj, Hadroj, Ndreca, Peposhi, Guindo. Trajner: Veljko Dovedan.
PANORAMASPORT.AL
NDIQE LIVE "PANORAMA TV"