VIDEO/ Dopietë në Itali, Arlind Ajeti bën “bomberin” te Pordenone
Një dygolësh i Arlind Ajetit ditën e djeshme, e ka kthyer në protagonistin kryesor te skuadra e Pordenones.
Në ndeshjen e javës së 16-të ndaj Pro Patrias, mbrojtësi i Kombëtares shqiptare realizoi dy herë në pjesën e dytë, por në fund sërish rezultati u mbyll në 2-2.
Ajeti e nisi pjesën e parë duke u ndëshkuar me një karton të verdhë në minutën e 33-të dhe në të 50-ën hapi serinë e golave pas një krosimi në zonë.
Vetëm pas pak minutash miqtë arrijnë që të barazojnë, por është sërish Arlindi që përfiton në zonë pas një topi në shtyllën e dytë dhe duke devijuar kalon sërish në avantazh skuadrën e tij në të 84-ën.
Nuk ka zgjatur shumë, por një minutë më pas, Pro Patria barazon përsëri, duke lënë Pordenonen me një pikë.
Gjithsesi, ekipi i shqiptarit mban vendin e parë të renditjes në Serinë C. Sa i përket mbrojtësit, ky është goli i katërt në kampionat, pas atyre të shënuar ndaj Novarës dhe Lekos.
Duhet përmendur që ky është sezoni me më shumë gola i Ajetit në karrierën e tij, ku maksimumi kishte shënuar 2 gola në të gjithë sezonin.
PANORAMASPORT.AL
NDIQE LIVE "PANORAMA TV"