VIDEO/ “Diktator i vjetër”, Bajerni rikthehet me prepotencë tek fitoret në Bundesligë
Bajerni nuk ka ndryshuar aspak edhe 2 muaj pas ndërprerjes së kampionatit gjerman. Bavarezët mposhtën me rezultatin 0-2 Union Berlinin falë golave të Robert Levandovskit dhe Benxhamin Pavardit.
Kampionëve në fuqi të Gjermanisë iu anulua në pjesën e parë një gol, por në minutën e 39-ë fituan një penallti, të cilin Levandovski nuk e shpërdoroi.
Bajerni vazhdoi të administronte ndeshjen dhe në minutën e 80-ë Pavard shfrytëzoi saktë krosimin e ardhur nga Xhoshua Kimish duke shënuar me kokë.
Skuadra e Hans Flik ruan kryesimin e Bundesligës me 58 pikë, 4 më shumë se Borusia Dortmundi e vendit të dytë dhe 6 më shumë se Borusia Mynshenglabahu, që mban vendin e tretë.
FT: Union Berlin-Bajern Mynih 0-2
Levandovski 40′, Pavard 80′
PANORAMASPORT.AL
NDIQE LIVE "PANORAMA TV"