VIDEO/ Derbi i Madoninës bëhet “mollë sherri”, reperi i njohur sulmon ish-ministrin italian
Një sherr verbal i tensionuar ka ndodhur mbrëmjen e djeshme në tribunat e San Siros gjatë derbit Milan-Inter teksa reperi Ghali ka sulmuar ish-ministrin italian Mateo Salvini.
“Calciomercato.com” raporton se si Ghali u ngrit në këmbë dhe adresoi një sërë fyerjesh ndaj ish-zëvendëskryeministrit të Italisë, i cili mbeti ulur duke ngritur krahët në shenjë festimi pas autogolit të De Vrajt. Paolo Maldini ftoi menjëherë stjuartët që shkuan të qetësonin reperin e njohur italian. Ghali ka ide politike të kundërta me ato të Salvinit dhe personalisht e ka sulmuar në disa këngë.
Ndërkohë, Lega sqaroi: “Mateo Salvini u sulmua verbalisht nga Ghali gjatë pjesës së parë të Milan-Inter mbrëmë. Lideri i partisë Legaliteti ishte në tribunë me djalin e tij, dhe menjëherë pas golit të barazimit reperi e sulmoi.
Ghali bërtiti një sërë fyerjesh dhe akuza për emigracionin duke u përpjekur të filmonte veten me celularin e tij. Klubi kuqezi i kërkoi falje Salvinit, i cili në atë kohë nuk e kishte njohur Ghalin dhe as nuk i kuptonte arsyet e sjelljes së tij”, shkruan Lega.
PANORAMASPORT.AL
NDIQE LIVE "PANORAMA TV"