Kampionati Botëror i futbollit “Katar 2022” ka mësuar skuadrën e 31-të që kualifikohet pas “playoff”-it të parë interkontinental që u luajt në Doha.

Australia triumfoi përballë Perusë në një sfidë të çmendur që nuk pati gola dhe fitues për 120 minuta, me penalltitë që vendosën se kush do të kalonte më tej.

Ai që vendosi nga pika e 11-metërshave ishte portieri australian, Endru Redmajne, i cili u fut në minutën e 120+1’, për të pritur penalltinë vendimtare që dërgoi kombëtaren e tij në Botëror.

Kjo është hera e pestë radhazi për Australinë që shkon në një Kupë Bote, ku kësaj radhe do të ketë përballë Francën, Danimarkën edhe Tunizinë në grupin D.

REZULTATI:

AUSTRALI – PERU 0-0 (P. 5-4)

 

PANORAMASPORT.AL

NDIQE LIVE "PANORAMA TV"

---