VIDEO/ Çelsi dhe PSG-ja marrin fitoret e para, francezët e paguajnë triumfin me dëmtimin e Nejmarit
PSG-ja dhe Çelsi fituan dy takimet e sotme në Ligën e Kampioneve. Nënkampionët e Europës mposhtën 0-2 Bashakshehirin me dopietën e Moise Kinit, por parizienët u detyruan të luanin për pjesën më të madhe të lojës pa Nejmarin, i cili la fushën e Bashakshehirit i dëmtuar në minutën e 26-të. Francezët i frikësohen një dëmtimi të rëndë të brazilianit. Nga ana tjetër, Çelsi fitoi me 4 gola ndaj rusëve të Krasnodarit, ku 3 golat e fundit erdhën në 14 minutat e fundit të kohës së rregullt.
Këto janë fitoret e para për parizienët dhe londinezët në Ligën e Kampioneve për këtë sezon.
FT| Krasnodar-Çelsi 0-4
Odoi 37′, Verner 76′, Zijeç 81′, Pulisiç 90′
FT| Bashakshehir-PSG 0-2
Kin 64′, 79′
PANORAMASPORT.AL
NDIQE LIVE "PANORAMA TV"