Postuar: Prill 10, 2022 | 14:36
VIDEO/ Breshër në stërvitjen e Kastriotit, shihni si zbardhet fusha e Kamzës
Kastrioti është duke u përgatitur për ndeshjen e ditës së nesërme ndaj Dinamos, e cila do të zhvillohet në stadiumin “Elbasan Arena” në orën 14:45, e vlefshme për javën e 28-të në Kategorinë Superiore.
Skuadra krutane do të mbyllë sot përgatitjet e sfidës së nesërme ndaj dinamovitëve, por janë përballur me një mot me një shi të madh.
“Panorama Sport” publikon pamjet e fushës stërvitore në Kamëz, e cila është e mbuluar tërësisht nga breshëri i madh që ka rënë ditën e sotme, duke ndaluar për disa çaste stërvitjen e krutanëve.
Në momentin kur shiu dhe breshëri ka përfunduar, Kastrioti ka vijuar menjëherë seancën stërvitore.
PANORAMASPORT.AL