VIDEO/ Bonuçi humb toruan, godet zyrtarin e Interit menjëherë pas golit të Sançezit
Mesa duket goli i realizuar në sekondat e fundit nga Interi me Aleksis Sançez në minutën e 120′ në finalen e Superkupës së Italisë ndaj Juventusit, ka bërë që Leonardo Bonuçi të humbasë arsyen.
Mbrojtësi i bardhezinjve menjëherë pas golit të shënuar nga kiliani Sançez ku i dha trofeun e Superkupës skuadrës zikaltër, Bonuçi ka goditur menaxherin e klubit të Interit.
34-vjeçari ishte duke u përgatitur për tu futur në fushën e blertë për të goditur 11-metërshat, pasi italiani njihet si një gjuajtës i mirë i penalltive, por me golin e Interit ai nuk u aktivizua për asnjë sekondë.
Arsyeja nuk dihet, por me siguri lumturia për golin e Sançezit nga zyrtari i klubit zikaltër ka tërbuar lojtarin e Juventusit.
Përpara se sulmuesi kilian i Interit të shënonte, më parë kishin realizuar Ueston Mekeni për Juventusin në minutën e 25-të dhe baraspeshën e riktheu Lautaro Martinez me penallti në minutën e 35-të.
PANORAMASPORT.AL
NDIQE LIVE "PANORAMA TV"