VIDEO/ ‘Auf Wiedersehen Basti’, Bajerni nderon Shvajnshtaigerin
Bajerni i Munihut zhvilloi një ndeshje miqësore me Çikagon që luan në MLS. Kjo ishte ndeshja e fundit për mesfushorin gjerman Bastian Shvajnshtaiger që veshi edhe një herë fanellën e klubit bavarez. Ndeshja përfundoi 4-0 për kampionët e Gjermanisë në stadiumin “Allianz Arena” të mbushur plot për të nderuar ishlojtarin e tyre.
Niko Kovaç aktivizoi në pjesën e parë lojtarët që kishin luajtur më pak në këtë sezon të ri. Ra në sy paraqitja pozitive e Serge Gnabrit që shënoi golin e parë. Në pjesën e dytë trajneri kroat aktivizoi edhe titullarët. Shvajnshtaiger luajti gjithashtu një pjesë me Bajernin duke shënuar edhe golin e katërt për ta. Në këtë takim luajti edhe lojtari me origjinë kosovare, Shabani që hyri në pjesën e dytë të takimit.
Ndërkohë, Leon Gorecka është dëmtuar dhe iu desh të linte fushën e lojës para se të përfundonte pjesa e parë. Mesfushori gjerman nuk mendohet të ketë pësuar një dëmtim serioz. Trajneri Kovaç dhe stafi teknik menduan ta largonin lojtarin për të mos rrezikuar.
Ndërkohë, fundi ishte shumë dramatik ku Bastian Shvajnshtaiger bëri edhe xhiron e nderit përballë tifozëve të tij që e kanë mbështetur gjatë gjithë këtyre viteve në veçanti në kohën kur luajti me Bajernin e Mynihut, me të cilin fitoi 8 kampionate dhe një Champions.
NDIQE LIVE "PANORAMA TV"