Tifozët e Mançester Junajtid nuk e kanë harruar asnjëherë Erik Kantona, një futbollist i cili fliste si në fushën e lojës, ashtu edhe jashtë saj. Por një futbollist është gati të zërë vendin e francezit dhe nuk ka ngurruar ta sfidojë hapur atë që kishte marrë nofkën “Le Roi” (mbreti) gjatë ditëve të tij në Angli.

Javën e kaluar, francezi uroi Mançester Junajtid për blerjen e suedezit, por u kujtoi të gjithëve se “do të ekzistonte gjithmonë vetëm një mbret i Mançesterit”.

Përgjigja e Ibras nuk ka vonuar. “Unë e admiroj Kantona dhe e dëgjova se çfarë tha. Por unë nuk do të jem Mbreti i Mançesterit. Unë do të jem Zoti i Mançesterit”.

Një përgjigje tipike nga Ibra, tani fjala i kalon përsëri Kantona…

NDIQE LIVE "PANORAMA TV"

---