Vërshëllima nga tifozët e vet për çdo top, një nga kapitenët e Barçës përfundoi duke qarë me dënesë në dhomat e zhveshjes

Panorama Sport | Lajmet e fundit nga sporti

Postuar: Shtator 15, 2021 | 23:42


Vërshëllima nga tifozët e vet për çdo top, një nga kapitenët e Barçës përfundoi duke qarë me dënesë në dhomat e zhveshjes

Barcelona ka kuptuar mbrëmë se ky sezon ndoshta do të ketë më shumë vuajtje se ai i edicionit të kaluar dhe këtë radhë nuk kanë as Mesin që shpesh u shpëtonte lëkurën në ndeshje si ajo e të martës ndaj Bajernit me ndonjë nga magjitë e tij. Por sidomos ka kuptuar se shumë futbollistë përfitonin nga aftësitë e argjentinasit për të rënë në sy dhe me largimin e tij, duket se nuk janë aq magjikë sa mendohej.

serxhi roberto

Një prej tyre është Serxhi Roberto, i zgjedhur edhe si një prej kapitenëve të Barcelonës. Lojtari bëri një ndeshje të tmerrshme për 60 minuta ndaj Bajern Mynih duke gabuar thuajse gjithçka. Tifozët qartësisht nuk ia falën dhe me kalimin e minutave, kishte vërshëllima sa herë ai prekte topin. Në momentin e zëvendësimit, i gjithë stadiumi u mbush me vërshëllima siç ishin dëgjuar rrallëherë, duke treguar se ky futbollist nuk tërhiqte më publikun.

Një skenë që lojtari nuk e priste dhe që padyshim e mërziti. Mediat spanjolle tregojnë se në përfundimin e ndeshjes, lojtari ka shpërthyer në të qara në dhomat e zhveshjeve të Barcelonës, dhe as ngushëllimi nga Buskets e Pike nuk e ka qetësuar për minuta të tërë.

Një situatë e pazakontë te katalanasit, por që thellon edhe më shumë krizën në ekip, ku tashmë kriza financiare duket në plan të dytë në krahasim me krizën sportive që sapo ka filluar.

PANORAMASPORT.AL


Për t’u bërë pjesë e grupit të "Panorama Sport" mjafton të klikoni: Join Group dhe kërkesa do t’ju aprovohet.
KOMUNITETI PANORAMA SPORT: https://www.facebook.com/groups/sportionline/