Dzon Delarzh erdhi tek Egnatia me një CV të pasur, por pa formën e duhur fizike, për të dhënë direkt efekt në lojën e skuadrës.

Në nisje trajneri Ramadani nuk i dha shumë minuta, por dalëngadalë kongolezi “ia mori zemrën” strategut dardan dhe nisi të aktivizohet dhe të luajë më shumë minuta.

Kontrata e 31-vjeçarit skadon në këtë muaj, por drejtuesit kanë shprehur dëshirën për ta mbajtur dhe i kanë ofruar rinovimin.

Gazeta mëson nga burime pranë klubit se përfaqësuesit e klubit dhe pala e lojtarit kanë arritur marrëveshjen për të rinovuar edhe për një sezon kontratën.

Delarzh shënoi vetëm një gol me Egnatian, por rrjeta ndaj Korabit ishte vendimtare në sigurimin e qëndrimit të rrogozhinasve edhe një tjetër sezon në elitën e futbollit tonë.

PANORAMASPORT.AL

NDIQE LIVE "PANORAMA TV"

---