Vendim i papritur, futbollisti i Lushnjës lë futbollin në mes të sezonit. Ja arsyeja…

Panorama Sport | Gazeta me e madhe sportive ne vend

Postuar: Nëntor 16, 2019 | 10:38

Kategoria e pare LAJMI KRYESOR Lushnja Të fundit

Vendim i papritur, futbollisti i Lushnjës lë futbollin në mes të sezonit. Ja arsyeja…

Arbër Allkanjari e mbyll me futbollin. Është ky vendimi i papritur që vjen nga Lushnja. Edhe pse nuk është mbyllur as faza e parë, sulmuesi ka menduar që të varë “këpucët në gozhdë”. Është vetëm 30 vjeç, por kështu e ka parë të udhës. Nuk jep shumë detaje për të ardhmen, por gjatë prononcimit të dhënë për “Panorama Sport” thekson se jeta e tij do të marrë tjetër drejtim në vazhdim.

allkanjari1

Kontrata e lojtarit ishte sezonale, ashtu si e gjithë pjesa e tjetër e grupit, e megjithatë është ulur me klubin dhe e ka zgjidhur atë me mirëkuptim. Zyrtarisht, Ilir Gjyla duhet t’i bëjë llogaritë me një sulmues më pak, të paktën derisa të hapet edhe merkatoja e dimrit.

“Kam dorëzuar bazën materiale dhe me mirëkuptim kam kërkuar dorëheqjen time nga skuadra. Është një vendim personal. E kam vendosur, që të tërhiqem nga futbolli i luajtur. Kështu e pashë të arsyeshme, që të largohem këtu. Nuk kisha më motiv. Do të shikoj një drejtim tjetër. I uroj suksese ekipit të Lushnjës dhe të gjitha ekipeve me të cilat kam luajtur”, kështu është shprehur shkurtimisht për gazetën Allkanjari, i cili në fakt vetëm pas 4 ditësh feston 30-vjetorin e lindjes.

lushnja

Ai e ka marrë vendimin pas vetëm 9 javësh të zhvilluara në Kategorinë e Parë. Sulmuesi këtë sezon është aktivizuar në 4 ndeshje, duke grumbulluar në total 122 minuta dhe pa shënuar asnjë gol, të paktën në kampionat, pasi në Kupën e Shqipërisë e ka ndëshkuar Orikun 3 herë në dy ndeshje dhe në 119 minuta. Gjatë karrierës së tij, veç Lushnjës, ku ka luajtur për 9 sezone, ka veshur edhe fanellat e Egnatias, Dinamos dhe Naftëtarit.

Alban Alushi – PANORAMASPORT.AL




Për t’u bërë pjesë e grupit të "Panorama Sport" mjafton të klikoni: Join Group dhe kërkesa do t’ju aprovohet.
KOMUNITETI PANORAMA SPORT: https://www.facebook.com/groups/sportionline/

www.minuta90.com