Vdekja e Mahsa Amini/ Shpërtheu kundër qeverisë iraniane, tifozët bavarezë mbështesin futbollistin kundërshtar gjatë ndeshjes

Panorama Sport | Lajmet e fundit nga sporti

Postuar: Tetor 1, 2022 | 19:07


Vdekja e Mahsa Amini/ Shpërtheu kundër qeverisë iraniane, tifozët bavarezë mbështesin futbollistin kundërshtar gjatë ndeshjes

Gjatë ndeshjes mes Bajern Mynihut dhe Bajer Leverkusen, tifozët bavarezë shprehën mbështetje dhe solidaritet për futbollistin kundërshtar Sardar Azmoun dhe protestuesit në Iran për vdekjen e Mahsa Amini.

309994677_1433226567168566_8751039295336203789_n

27-vjeçari Azmoun, i cili ka shënuar 41 herë në 65 ndeshje për kombëtaren, theu heshtjen në një postim në Instagram, duke folur kundër qeverisë iraniane dhe duke ofruar mbështetjen e tij për të drejtat e grave.

Ai mund të përballet me përjashtimin nga kombëtarja dhe mund të humbasë Kupën e Botës në Katar.

Në postimin e tij shkruhej: “Në rastin më të keq do të më përjashtojnë nga kombëtarja. Nuk ka problem. Unë do ta sakrifikoja atë për një fije floku në kokën e grave iraniane. Kjo histori nuk do të fshihet. Ata mund të bëjnë çfarë të duan. Turp për ju që vrisni kaq lehtë; rrofshin gratë iraniane.”

309609568_914468936195780_2945583606038384561_n

Mijëra iranianë kanë dalë në rrugë gjatë dy javëve të fundit në protesta për vdekjen e Amini, një gruaje 22-vjeçare e cila ishte arrestuar nga policia në kryeqytetin Teheran pasi dyshohet se mbante shaminë e saj të detyrueshme shumë lirshëm.

Protestuesit kanë shfryrë zemërimin për trajtimin e grave dhe represionin më të gjerë në Republikën Islamike. Demonstratat mbarëkombëtare u përshkallëzuan me shpejtësi në thirrje për përmbysjen e strukturës klerikale që ka sunduar Iranin që nga revolucioni i tij islamik i vitit 1979. Protestat kanë marrë mbështetje nga e gjithë bota me Amnesty International duke thënë të premten se forcat e sigurisë në Iran kishin vrarë të paktën 52 persona që nga fillimi i tyre.

PANORAMASPORT.AL