Ultimatumi/ Kadiz dhe Levante, shanset e fundit për Kumanin te Barcelona

Panorama Sport | Lajmet e fundit nga sporti

Postuar: Shtator 22, 2021 | 10:09


Ultimatumi/ Kadiz dhe Levante, shanset e fundit për Kumanin te Barcelona

Barça renditet e 7-ta në tabelën e kampionatit spanjoll me dy fitore dhe dy barazime në katër ndeshje. Katalanasit kanë një ecuri të keqe nëse llogarisim edhe ndeshjen e Champions-it ndaj Bajernit në mesjavën e kaluar.

Kuman Barcelona

Gjermanët fituan 3-0 në “Cam Nou” duke dominuar në çdo drejtim skuadrën e Kumanit e cila ishte pothuajse inekzistente. E njëjta gjë ndodhi edhe të hënën kur Barça barazoi vetëm në shtesë duke shpëtuar nga humbja.

Sipas mediave spanjolle, Kuman do të ketë vetëm dy mundësi për të shpëtuar nga shkarkimi, nëse merr dy fitore ndaj Kadizit nesër dhe ndaj Levantes në shtëpi në fundjavë.

Gjithsesi, shumë njerëz mendojnë që largimi mund të vijë që në ndeshjen e nesërme nëse skuadra ngec sërish. Pra, finalja e parë do të luhet në Kadiz, aty ku kërkohet edhe kthesa me lojë dhe rezultat.

Pas këtyre dy sfidave, skuadra katalanase do të ndeshet në Champions ndaj Benfikës, ku vetëm një fitore nuk do t’ia vështirësonte kualifikimin në fazën tjetër.

PANORAMASPORT.AL


Për t’u bërë pjesë e grupit të "Panorama Sport" mjafton të klikoni: Join Group dhe kërkesa do t’ju aprovohet.
KOMUNITETI PANORAMA SPORT: https://www.facebook.com/groups/sportionline/