“Uells, golf, Madrid”, Bejl feston kualifikimin në Europian dhe “tërbon” Realin
Uellsi arriti mbrëmjen e djeshme të prekte kualifikimin për në Europian. Garet Bejl, ylli i skuadrës ishte një ndër lojtarët kyç të këtij suksesi.
Në festën e skuadrës në përfundim të ndeshjes, Bejl ka valëvitur flamurin e Uellsit, ku ishte shkruar: “Uells. Golf. Madrid”. Ky ishte rendi i tre fjalëve, që tregojnë një mungesë respekti ndaj Reali të Madridit.
Më këtë festim Bejl e thotë hapur se mendon fillimisht për Uellsin, golfin dhe në fund Realin e Madridit. Ky festim ka sjellë një sërë polemikash te Reali, ku lojtari e ka shprehur që në verë se kërkon largimin nga ekipi spanjoll.
Festimi i Bejlit bën xhiron në rrjet dhe për këtë lojtari është i kënaqur, pasi tregon për të disatën e herë dëshirën për t’u larguar nga Reali.
/PANORAMASPORT.AL/
NDIQE LIVE "PANORAMA TV"