UEFA ndryshon planet e Guardiolës, Juventusit dhe gjigantit europian u vjen në dorë mundësia e artë

Panorama Sport | Gazeta me e madhe sportive ne vend

Postuar: Shkurt 14, 2020 | 22:24

Bota FB LAJMI KRYESOR Seria A Të fundit

UEFA ndryshon planet e Guardiolës, Juventusit dhe gjigantit europian u vjen në dorë mundësia e artë

Pas publikimit të vendimit të ashpër të UEFA-s, i cili përjashtoi Mançester Sitin për 2 vite nga aktivitetet europiane të futbollit, mediat e huaja kanë nisur të aludojnë se pas këtij sezoni trajneri i “Qytetarëve” Pep Guardiola nuk do të drejtojë më skuadrën angleze.

ederson-pep-guardiola-manchester-city_1nx7c1kwcxxpk1hxocwedqeqgv

Fakti që Mançester Siti nuk do të ketë mundësinë të luftojë në frontin e futbollit europian për dy sezonet e ardhshme mund ta bindë lehtësisht teknikun katalanas që të pranojë largimin nga Anglia.

Në këtë mënyrë, Juventusi, por dhe PSG-ja pritet të intensifikojnë veprimet për të biseduar dhe joshur fituesin e 2 Ligave të Kampioneve për të marrë drejtimin e njërit prej tyre.

Ronaldo.Juventus.2019.204.750x450

psg

Juventusi tentoi gjatë gjithë vitit të kaluar të firmoste me ish-trajnerin e Barcelonës dhe Bajern Mynihut, por Guardiola vendosi të vazhdonte punën e tij në “Etihad Stadium”.

Vera pritet të sjellë ndryshime të mëdha në merkato dhe skuadrën e Mançester Sitit duke marrë parasysh vendimin e sotëm të UEFA-s.

PANORAMASPORT.AL




Për t’u bërë pjesë e grupit të "Panorama Sport" mjafton të klikoni: Join Group dhe kërkesa do t’ju aprovohet.
KOMUNITETI PANORAMA SPORT: https://www.facebook.com/groups/sportionline/

www.minuta90.com