Legjenda e Brazilit, Pele ka folur për herë të parë që kur djali i tij pretendoi se ai ka rënë në depresion dhe nuk dëshironte të dilte nga shtëpia.

Pele është shprehur se problemet shëndetësore janë normale për një person të moshës së tij. Djali i Peles, tha se ai ishte në siklet, sepse se nuk mund të ecë për shkak të problemeve në legen.

Por ish-futbollisti, i vlerësuar si një ndër lojtarët më të mirë të të gjitha kohërave, tha: “Unë jam mirë. Vazhdoj të pranoj kufizimet e mia në mënyrën më të mirë të mundshme, por kam ndërmend ta mbaj topin duke u rrotulluar.”

Ai bëri një operacion prostate në vitin 2015 dhe u shtrua në spital vitin e kaluar për shkak të një infeksioni urinar. Por, miqtë e ish lojtarit thonë se ky ishte janari më i vështirë për të ndër vite.

Pele aktualisht po bashkëpunon me një regjizor britanik për realizimi e një dokumentari për jetën e tij në futboll. “Kam ditë të mira dhe ditë të këqija. Kjo është normale për njerëzit e moshës sime. Unë nuk kam frikë, jam i vendosur, i sigurt në atë që bëj”, përfundoi Pele.

/PANORAMASPORT.AL/

NDIQE LIVE "PANORAMA TV"

---