U tallën me të birin pas ndeshjes, babai i Halandit mesazh PSG-së: Tregoni klas brenda dhe jashtë fushe!
Babai dhe menaxheri i sulmuesit të Borusia Dortmundit Erling Haland, Alf Haland thumboi skuadrën e PSG-së pas kualifikimit të tyre në raundin çerekfinal të Ligës së Kampioneve.
Në një koment në “Twitter”, ish-futbollisti norvegjez u kërkoi lojtarëve të skuadrës franceze “të tregojnë klas brenda dhe jashtë fushe” duke iu referuar talljes që PSG-ja i bëri Erling Halandit duke imituar festimin e tij.
“Mirupafshim, Paris i bukur. Keqardhje për rezultatin, por ishte i merituar. Gjithë të mirat, tregoni klas brenda dhe jashtë fushe!”, shkruan Alf Haland.
Sjellja e lojtarëve të PSG-së pas fitores kundër Borusia Dortmundit me rezultatin është kritikuar nga shumë tifozë në rrjetet sociale.
Goodbye beautiful Paris. Shame about the result, but well deserved on the day. All the best, showing class on and off the pitch. #PSGBVB https://t.co/g7fzmNiX9I
— Alfie Haaland (@alfiehaaland) March 12, 2020
PANORAMASPORT.AL
NDIQE LIVE "PANORAMA TV"