U largua nga Partizani, futbollisti 20-vjeçar pranë akordit me skuadrën kampione
Mesfushori Besnik Ferati shkëputi bashkëpunimin me me marrëveshje me klubi i Partizanit, teksa tashmë është futbollist i lirë.
Sipas “Albsport.mk” për shërbimet e 20-vjeçarit ka interesim të madh nga ekipet e Ligës së Parë të Maqedonisë, teksa oferta serioze ka marrë edhe nga kampionati i Kosovës dhe Superiorja shqiptare, ku shumë ekipe e dëshirojnë qendër mbrojtësin shtatlartë.
Gjithashtu bëhet me dije se oferta më serioze vjen nga Finlanda, është ekipi i Helsinkit që po e kërkon me ngulm futbollistin shkupjan. Kampionët finlandezë e shohin si alternativë të mirë për ta bërë për vete Feratin.
Kujtojmë se Besnik Ferati karrierën e tij e kishte nisur te FC Shkupi, që më pas të kaloj te Partizani, duke qenë pjesë e kryeqytetasve që nga sezoni 2018/19. Ndërkohë është pjesë e grupmoshave U21 të përfaqësueses së Maqedonisë së Veriut.
PANORAMASPORT.AL
NDIQE LIVE "PANORAMA TV"