U fut nga stoli dhe shënoi ndaj Dinamos, Pusi: Kualifikimi super, bonus për kampionatin
Talenti 23-vjeçar, shkodrani Belajdi Pusi, dalë nga akademia Vllaznia, edhe pse ka luajtur si zëvendësues nga minuta e 54-t për Skënderbeun ndaj Dinamos, brenda 4 minutash ambientim në fushë, shënon golin e tretë që vulosi fitoren e korçarëve.
“Pavarësisht se konsiderohej si një kundërshtar më i lehtë për ne ekipi i Dinamos, ne e patëm vlerësuar shumë, sepse tashmë nuk ka më ekipe të dobëta. Për ne ishte kryevepër kualifikimi në gjysmëfinale, por njëkohësisht dhe një bonus për ndeshjet e ardhshme.
Jemi të lumtur që fituam, por i lumtur edhe pse shënova. Ky gol i dedikohet njeriut tim më të dashur, që më ka qëndruar pranë gjithnjë, që fëmijë, gjyshit tim që pak ditë më parë ndërroi jetë”.
PANORAMASPORT.AL
NDIQE LIVE "PANORAMA TV"