TRONDITËSE/ Arrestohet ish-boksierja braziliane, akuzohet për vrasjen e bashkëshortit
Ish-boksierja braziliane Viviene Obenauf është arrestuar dje nga policia zvicerane si e dyshuara kryesore për vdekjen e bashkëshortit të saj Tomas. Policia raporton se viktima është gjetur me “dëmtime të rënda të shkaktuara prej goditjes me çekiç”.
34-vjeçarja Obenauf pretendohet se ka goditur për vdekje bashkëshortin e saj, por ende nuk dihen shkaqet.
Ish-boksierja nga Brazili u tërhoq nga sporti vitin e kaluar duke iu përkushtuar biznesit të prodhimit të ushqimeve dhe fitness-it. Edhe më herët ajo është ndalur për ushtrim dhune.
Njëri prej partnerëve të saj deklaroi se vite më parë Obenauf e ka goditur në gjendje të dehur 4-5 herë me grusht.
Obenauf zhvilloi 20 ndeshje në karrierë me bilancin 14 fitore (9 me KO) dhe 6 humbje, ndërsa në janar të vitit të kaluar ajo u martua me suedezin Tomas, i cili zotëronte një restorant.
PANORAMASPORT.AL
NDIQE LIVE "PANORAMA TV"