Triumfi në Kupën e Italisë, Marota: Tani fokusin te kampionati dhe Champions-i

Panorama Sport | Lajmet e fundit nga sporti

Postuar: Maj 25, 2023 | 10:35

Triumfi në Kupën e Italisë, Marota: Tani fokusin te kampionati dhe Champions-i

“Për finalen e sotme (djeshme) duhej vendosmëri dhe motivim dhe skuadra e tregoi këtë duke realizuar një tjetër objektiv”, u shpreh Xhuzepe Marota pas triumfit ndaj Fiorentinës duke folur edhe për sfidat e mbetura.

marota

“Me sezonin e deritanishëm që ka bërë Inzagi nuk kishte asnjë arsye për të mos e konfirmuar në stol. Interi duhet të jetë gjithmonë protagonist dhe ajo që kemi bërë deri më tani na bën krenarë. Inzagi ka treguar që di ta menaxhojë skuadrën si kur gjërat shkojnë mirë dhe kur shkojnë keq.

Gjatë një sezoni ka vështirësi dhe i takon trajnerit dhe shoqërisë të jenë bashkë për t’i kaluar. Presioni është pjesë e lojës, sidomos tek Interi dhe nuk ka pasur polemika, por debat konstruktiv.

Jemi në një moment pozitiv, nuk është e lehtë të mos mendosh për Champions-in, por deri atëherë të kërkojmë të mbyllim kampionatin në mënyrën e duhur dhe pastaj të fokusohemi tek ëndrra që e kemi transformuar në realitet”, përfundoi drejtuesi.

PANORAMASPORT.AL

NDIQE LIVE "PANORAMA TV"