Mauricio Poçetino bëri një zgjedhje kurajoze kur vendosi që të thërrasë në stol Lionel Mesin të dielën në minutën e 76-të. Për disa ky vendim u pa sikur kurora e argjentinasit kishte vendosur që të peshonte pak, ndërsa për të tjerë trajneri mori vendimin më të duhur, duke qenë se në fund PSG-ja arriti të marrë tri pikët ndaj Lionit, në frymën e fundit.

Gjithsesi, të shohësh një si “Pleshti” që të thirret në stol, aq më tepër në momentin që ndeshja është në barazim lë një shije të keqe.

Por nëse i lëmë paragjykimet, Mesi nuk është se një zgjedhje të tillë nga trajnerët e ka vuajtur shumë në karrierën e tij. Ajo që i ndodhi të dielën ishte hera e tretë në 4 vite, pas asaj të 9 janarit 2021, por Barcelona fitonte 4-0 me Granadën (kishte shënuar 2 gola) dhe akoma më shumë në janar të vitit 2018, në një ndeshje të Kupës së Mbretit ndaj Selta Vigos, në të cilën kishte realizuar gjithashtu një dopietë.

Në aventurën e mëparshme te Barça, Mesi ishte zëvendësuar vetëm 17 herë në 370 ndeshje të La Ligas, ndërsa në total karriera e tij flet për 54 zëvendësime në 522 ndeshje. Shkurt, Poçetino ishte më shumë se kurajoz me zgjedhjen e bërë prej tij…

STATISTIKAT E LEO MESIT NDAJ LIONIT SIPAS “SOFA SCORE”, EKSKLUZIVISHT PËR “PANORAMA SPORT”: 

PANORAMASPORT.AL

NDIQE LIVE "PANORAMA TV"

---