San Marino ka ardhur në Shqipëri me mendjen se do të përballet këtu me… Poloninë. Të paktën ky është këndvështrimi i trajnerit të kësaj përfaqësueseje, Franko Varela, i cili ka deklaruar në konferencë se i vlerëson në të njëjtin nivel si kuqezinjtë e drejtuar nga Edi Reja, ashtu edhe ekipin polak me Levandovski & Co. të cilët i shënuan 7 gola San Marinos pak ditë më parë.

“Kam parë ndeshjen e javës me parë Poloni-Shqipëri, janë ato rezultate që të lënë shije të hidhur se kanë qenë disa situata të veçanta që e vendosën. Por kam parë një ekip shumë të mirë. Për ne do të jetë i të njëjtit nivel si të përballemi me Poloninë dhe me shpresën që disa episode të jenë më mirë se ndeshja e kaluar.

Ne nuk kemi luksin të ndryshojmë nga pikëpamja taktike gjërat, ne mund të përshtatim rreshtimin në krahasim me potencialin e kundërshtarit.

Me Shqipërinë kemi nevojë për elementë në krah me karakteristika pozitive. Për fat kemi djem të aftë dhe në mesfushë të skualifikuarit do t’i zëvendësojmë me lojtarë po aq të vlefshëm e në lartësinë e situatës”, tha Varela.

PANORAMASPORT.AL

NDIQE LIVE "PANORAMA TV"

---