Trajneri i ri jep efekt, Laçi nuk e diskuton Vllazninë në shtëpi (Video)
Emërimi i trajnerit të ri Gentian Mezani t duket se dha efekt e Laçi. Skuadra kurbinase arriti të triumfonte në shtëpi ndaj Vllaznisë me rezultatin 2-0 falë golit të Xhixhës dhe një autogoli të Pjeshkës.
Si Vllaznia ashtu dhe Laçi shfaqën një nivel të kënaqshëm loje, sidomos në minutat e para ku u krijuan disa raste shënimi. Bardhezinjtë u treguan më të saktë para portës, dhe duke përfituar dhe nga gabimet në mbrojtje të Vllaznisë arritën të dilnin me tre pikë nga ky takim. Me fitoren e sotme, Laçi kap kuotën e 6 pikëve në 4 ndeshje, ndërsa Vllaznia mbetet në kuotën e 4 pikëve.
MINUTE PAS MINUTE
Mbyllet takimi, Laçi-Vllaznia 2-0
89′ Vucaj lëshon një predhë nga jashtë zonës, e shkëlqyer ndërhyrja e Selmanit i cili largon topin në goditje nga këndi.
76′ Ribaj nis një top për Çinarin i cili godet në ajër, por reagon mjaft mirë Selimaj duke e devijuar sferën në goditje nga këndi.
69′ Eskerda tregon klasin në zonë duke shmangur bukur Orelesin dhe duke hedhur një top për Xhixhën, largojnë në momentin e fundit mbrojtësit e Vllaznisë.
60′ Ansi Nika kroson nga e djathta për Xhixhë, Selimaj bën një hap përpara duke grushtuar sferën e cila përplaset në trupin e mbrojtësit Pjeshka duke shkaktuar një autogol. 2-0 për Laçin.
56′ Vllaznia pronon të depërtojë në krahun e djathtë me anë të Çianarit, por asnjë rrezik konkret në portën e kurbinasve.
50′ Jonuzi rikuperon një top në krahun e majtë dhe kroson në zonë për Xhixhën, i vëmendshëm aty portieri Selimaj i cili zotëron topin.
46′ Ka nisur pjesa e dytë
Mbyllet pjesa e parë. Laçi-Vllaznia 1-0
45′ Eskerda provon nga goditja e dënimit me të majtën, gjuajtja përfundon mbi kuadrat.
44′ Bardulla merr një pasim fantastik nga Lika dhe hedh topin në zonë te Ribaj, i cili me kokë shpërdoron një rast ideal në afërsi të pikës së penalltisë.
42′ Aksion model i Vllaznisë, Ribaj-Lika-Hasani kombinojnë mjaft bukur me njëri-tjetrin, por Hasani prish gjithçka duke realizuar një goditje mjaft të dobët.
38′ Laçi mundohet të qarkullojë topin duke mos i lënë hapësira kundërshtarit për t’iu afruar portës.
32′ Lika hedh një harkim nga e djathta, Selmani përplaset me një shok të skuadrës, duke e lëshuar topin nga duart, nuk ka atje asnjë futbollist shkodran për ta dërguar topin në rrjetë.
23′ Provon të reagojë Vllaznia me Ribajn, por mbyll në momentin e fundit Fangaj, i cili largon rrezikun me një ndërhyrje fantastike.
21′ Laçi gjen rrugën e rrjetës me anë të 19-vjeçarit Xhixha, i cili në hyrje të zonës godet saktë duke mposhtur portierin Selimaj. Gjithçka nisi nga pasimi i Kevi Bardhit për Uzunin, ky i fundit provon të godasë portën, topi devijohet nga mbrojtësi i Vllaznisë dhe shkon te Xhixha, i cili nuk fal.
15′ Nika hedh një krosim nga e djathtë, Xhixha zhytet bukur me kokë, por sfera përfundon jashtë kuadratit të mbrojtur nga Selimaj.
8′ Çinari lëshon një të majtë nga jashtë zonës, reagon mjaft bukur portieri Selmani, i cili e largon topin në goditje nga këndi.
7′ Mundësi e artë për Fangaj pas një topi të mbetur në zonën e Vllaznisë, fare pranë vijës fatale mbrojtësi i kurbinasve, i cili nuk arrin të devijojë dot topin në rrjetë.
6′ Kundërsulm i shpejt i Vllaznisë, Ribaj niset bukur, por në momentin e fundit tregohet egoist duke mos pasuar për Gilman Likën. Gjuajtja e sulmuesit përfundon jashtë kuadratit.
5′ Mjaft mirë Laçi në krahun e majtë, Uzuni hedh një top në qendër për Xhixhën, por largon në momentin e fundit mbrojtësi Orelesi.
1′ Ka nisur takimi, Laçi shkelmon topin e parë nga qendra.
Laçi – Vllaznia 2-0
Shënues: Xhixha 21′, Pjeshka (a)
Laçi: Selmani, Ademir, Fangaj, Gjoni, Sefgjini (Shala 72′), Bardhi (Lushkja 54′), Eskerda (Qaqi 81′), Jonuzi, Nika, Uzuni, Xhixha
Trajner: Gentian Mezani
Vllaznia: Selimaj, Gocaj, Pjeshja, Orelesi, Marku, Krymi (Tafili 58′) Hasani, Bardulla, Çinari (Kalaja 77′), Lika (Vucaj 60′), Ribaj
Trajner: Armando Cungu
Gjyqtar: Klajdi Kola
KV: Bardulla 65′
NDIQE LIVE "PANORAMA TV"