Kristal Abazaj u transferua në fund të sezonit, nga Skënderbeu te skuadra belge e Anderlehtit. Edhe pse nuk luajti asnjë ndeshje me korçarët, kartoni i 22-vjeçarit disponohej nga këtë të fundit, të cilët nuk u menduan 2 herë për ta shitur te Anderlehti.

Ish-futbollisti, i cili shkëlqeu me Luftëtarin, arriti të përshtatej shumë shpejt me gjigantët belg, madje gjeti rrugën e rrjetës në miqësoren ndaj PSV-së, duke treguar klasin e tij. Nuk kanë munguar elozhet e trajnerit të Anderlehtit, Hein Vanhaezbrouck, i cili në një prononcim për mediat u shpreh:

“Kemi bërë disa afrime të rëndësishme por jo të gjithë janë ambientuar dhe e kanë të vështirë. Aktualisht, ata nuk dinë se çfarë duhet bërë, por ka edhe si Abazaj që është ambientuar menjëherë me skuadrën dhe duket sikur ka vite këtu”.

NDIQE LIVE "PANORAMA TV"

---