Totenhemi si Volfsburgu, anglezët ndryshojnë axhendën për ndeshjen me Shkëndijën
Klubi i Totenhemit ka vendosur të mbërrijë në Shkup vetëm për të zhvilluar përballjen e raundit të tretë të Ligës së Europës kundër Shkëndijes në 24 shtator.
Klubi tetovar bëri me dije në një komunikatë për shtyp se drejtuesit e klubit anglez kanë vendosur të mos organizojnë as konferencë për shtyp dhe as seancën e fundit stërvitore në stadiumin “Teodor Proeski” në Shkup.
Pandemia e koronavirusit në Maqedoninë e Veriut ka detyruar Totenhemin të ndryshojë protokollin e takimit me Shkëndijen.
Kujtojmë se në të njëjtën mënyrë veproi edhe Volfsburgu para takimit me Kukësin në raundin e dytë të Ligës së Europës.
“Nga skuadra angleze kanë njoftuar se në Shkup nuk do të zhvillojnë seancën e paraparë stërvitore para ndeshjes, e si rrjedhojë nuk do të mbajnë as konferencë për shtyp”, shkruhet në njoftimin e Shkëndijës.
PANORAMASPORT.AL
NDIQE LIVE "PANORAMA TV"