Totenhemi bën detyrën ndaj Fulhemit, Evertoni shënon me një skemë spektakolare (Video)
U luajtën paraditen e sotme 5 takimet e vlefshme për javën e 2 të Premier Ligës. Sfida e orës 13:30 mes Kardif dhe Njukastëll përfundoi në barazim 0-0, ndërsa në 4 sfidat e orës 16:00, dominuan ekipet vendase, me përjashtim të Uest Hemit që u mposht nga Burnemuth 1-2.
Totenhemi i Maurisio Poçetinos, bëri detyrën në shtëpi teksa mposhti Fulhemin me rezultatin 3-1. Lukas, Tripier dhe Kejn ishin autorët e golave për “gjelat”, ndërkohë që për miqtë shënoi Mitroviç.
Evertoni mposhti Sauthemptonin me rezultatin 2-1. Vlen për tu përmendur goli i parë i shënuar nga Ullkot në minutën e 15-të, një skemë e përkryer i dha avantazhin bluve të cilët në minutën e 31-të dyfishuan rezultatin me Riçarlison. Miqtë provuan ta rihapnin takimin me Ings, por vetëm kaq.
Must have been a left over training ground routine from the Big Sam era. Much too sophisticated for the likes of Silva @Everton @theowalcott pic.twitter.com/ieyyWPkpVW
— Long Ball Tactics (@LongBallTactics) August 18, 2018
Në sfidën tjetër, Leister mposhti Volvesin me rezultatin 2-0. Në minutën e 66-të Vardi u ndëshkua me karton të kuq për një ndërhyrje të ashpër në sulm, por kjo gjë nuk ndikoi në rezultat.
REZULTATET:
Kardif – Njukasëll 0-0
Everton – Sauthempton 2-1
Leister – Volves 2-0
Totenham – Fulham 3-1
Uest Ham – Bornemuth 1-2