“Titulli kampion është një ëndërr”, Gjimshiti: Papu Gomez në Arabi? I thashë nëse donte të isha shoferi i tij, por…

Panorama Sport | Lajmet e fundit nga sporti

Postuar: Shtator 12, 2020 | 19:24

“Titulli kampion është një ëndërr”, Gjimshiti: Papu Gomez në Arabi? I thashë nëse donte të isha shoferi i tij, por…

Mbrojtësi i Shqipërisë Berat Gjimshiti ndihet i lumtur pas kthimit tek Atalanta. Futbollisti kuqezi u shpreh se tashmë ekipi ndihet më i qetë që ndeshjet e Ligës së Kampioneve do t’i luajë në shtëpi dhe jo larg Bergamos.
djimsiti-2-768x508
Për “L’eco di Bergamo”, Gjimshiti shton se ëndrra e tij është fitojë titullin kampion me Atalantën, pavarësisht shanseve të pakta që kanë bergameskët. Në lidhje me zërat se kapiteni i ekipit Papu Gomez do të largohet në Arabinë Saudite, 27-vjeçari rrëfen me humor se i ishte ofruar argjentinasit si shofer, por ky i fundit i kishte thënë se kishte mbërritur me vonesë.

“Ishte diçka e mirë që morëm pushim, tani jemi gati dhe duam të vazhdojmë aty ku e kemi lënë. Nuk është e lehtë të jesh në krye menjëerë, por ne jemi gati.

Atalanta do t’i luajë në stadiumin e saj të ri ndeshjet e Ligës së Kampioneve – Do të jetë një avantazh për ne. Ekipet e tjera do ta kenë më të vështirë të luajnë këtu kundër nesh. Të luaje në ‘San Siro’ ishte diçka e mrekullueshme, por ne ndodheshim larg shtëpisë sonë.

Ëndrra e titullit kampion – Është një ëndërr, por në futboll gjithçka është e mundur. Por, le të mos mendojmë për të tani. Nëse do të jemi pranë kreut, do të tentojmë për titullin. Ne gjithmonë mendojmë për ndeshjen, ashtu siç e kërkon trajneri. Nuk kënaqemi me atë çfarë bëjmë.

Papu Gomez në Arabi ? Bëmë shaka për këtë gjë. I thasë nëse dëshironte ndonjë shofer, unë do të vija unë, por ai më tha se jam vonë”, deklaroi futbollisti i Atalantës dhe Shqipërisë Berat Gjimshiti.

PANORAMASPORT.AL

NDIQE LIVE "PANORAMA TV"