Miqësorja e tretë e Tiranës së Turqi është mbyllur përsëri në barazim, Kësaj radhe ata kanë barazuar pa gola me ekipin bullgar të Cherno More. Tirana ka bërë paraqitje të mira në përgjithësi në këto miqësore, edhe pse nuk ka fituar asnjërën prej tyre.

Me Tiranën kanë debutuar në këtë miqësore, edhe dy blerjet e reja të ardhura nga Kenia, Keneth Muguna dhe Musa Muhamed. Gjithashtu, në provë tek bardheblutë, janë edhe dy lojtarë të tjerë, të cilët po ashtu kanë qenë pjesë e skuadrës ditën e sotme, Aleksandar Ristevski dhe Iliasu Samsun. Ky test i ka shërbyer trajnerit Ze Maria, si kolaudim për skuadrën, para ndeshjes së parë që Tirana do të zhvillojë të dielën në Kategorinë e Parë, ndaj Shkumbinit.

Më poshtë formacioni me të cilin Tirana nisi takimin:

Formacioni: Lika, Doka, Turtulli, Cake, Hoxhallari, Maveje, Karabeci, Daja, Sentamu, Greca, Ngoo

NDIQE LIVE "PANORAMA TV"

---