Tirana konfirmon ndeshjen me Kukësin në Korçë, eviton reagimin për dënimin e dy titullarëve
Tirana ka konfirmuar zhvillimin e ndeshjes së parë të kampionatit me Kukësin në stadiumin e “Skënderbeut” ditën e mërkurë, ora 13:45.
Në njoftimin në faqen zyrtare, kampionët në fuqi të Shqipërisë nuk kanë shprehur qëndrim për përjashtimin me 4 ndeshje të dy titullarëve: kapitenit Idriz Batha dhe argjentinasit Agustin Torasa. Të dy lojtarët u penalizuan sot nga Komisioni i Disiplinës për shkak të sjelljeve antisportive ndaj zyrtarit të një takimi miqësor.
Për shkak terrenit të amortizuar të “Air Albania” dhe “Selman Stërmasit”, u vendos që takimi mes kampionëve dhe nënkampionëve të Shqipërisë të luhet në Korçë.
NJOFTIMI I TIRANËS
“E mërkura e datës 4/11/2020 shënon fundin e pritjes dhe fillimin e Kampionatit të Kategorisë Superiore për sezonin 2020-2021. Në orën 13:45, në stadiumin “Skënderbeu” në Korcë, bardheblutë do të prekin fushën në një përballje me FK Kukësin, duke nisur kështu rrugëtimin e shumëpritur. Ndeshja do të luhet me dyer të mbyllura për shkak të situatës së krijuar nga COVID-19, por ne shpresojmë për një rikthim sa më të shpejtë të tifozëve në shkallët e stadiumit.
Sezon i ri, sfida të reja, objektiva të njëjtë! #forcatirona”.
Konfirmohet lajmi i “Panorama Sport”, ja në cilin stadium do të zhvillohet supersfida Tirana-Kukësi
PANORAMASPORT.AL
NDIQE LIVE "PANORAMA TV"
