Tirana fiton “luftën” për stadiumin, Ze Maria në hall prej të huajve…

Panorama Sport | Lajmet e fundit nga sporti

Postuar: Shkurt 8, 2018 | 13:15

Tirana fiton “luftën” për stadiumin, Ze Maria në hall prej të huajve…

Tirana fiton “betejën” për stadiumin. Bardheblutë do të luajnë zyrtarisht të premten kundër Tomorit. Gjithçka është gati për duel, përveç paqartë- sive për formacionin. Nëse deri vjet kryeqytetasit vuanin për të bërë bashkë 11 titullarë, tashmë Ze Marias i është shtuar “dhimbja e kokës” prej lojtarëve cilësorë që ka në organikë dhe, mbi të gjitha, prej numrit të të huajve. Nga 5 ekstrakomunitarë që kanë në organikë, në fushë mund të zbresin vetëm 4.

Tirana

Çështja është: kush do ta pësojë?! Një dilemë e cila u has edhe gjatë seancës së djeshme stërvitore. Toni Maveje e ka siguruar vendin e tij në 11-she tashmë. E njëjta gjë vlen edhe për dy sulmuesit Majkëll Ngoo e Junus Sentamu. Por, me afrimin e dy kenianëve Musa Mohamed dhe Kenet Muguna shtohet sikleti.

Dje janë bërë disa prova, por ishte e vështirë që të zbuloje se kush do të zbresë në fushën e “Selman Stërmasi”-t nesër. Duke qenë se trajneri brazilian do të dojë që t’iu shtojë minutat në këmbë përforcimeve të janarit, gjasat janë që ata ta nisin nga minuta e parë dhe logjikisht mund ta pësojë ndonjë prej sulmuesve. Ndoshta këto paqartësi do të marrin zgjidhje sot në mëngjes, kur do të mbyllen edhe përgatitjet për javën e 15-të.

Ze Maria

Gjithsesi, mendohet që porta të mbetet “pronë” e Likës, ndërsa në mbrojtje të rikthehen lojtarët e krahëve, pra, Hoxhallari e Kërçiku, ndërsa në qendër do të jetë Turtulli me Musan. Para defensivës, veç dyshes klasike Daja-Karabeci, mund të luajë Muguna. Sulmi do t’i besohet Ngoosë, i cili “shpëtoi” skuadrën ndaj Turbinës, ndërsa në ndihmë të tij mund të jetë Greca me Çelhakën.

Formacioni i mundshem

Sakaq, veç ushtrimeve dhe lojërave të ndryshe, bardheblutë dje u kushtuan vëmendje të veçantë edhe gjuajtjeve në portë. Prova pa fund për të gjithë futbollistët, përfshi këtu jo vetëm sulmuesit, por edhe mesfushorët e mbrojtësit. Stafi teknik uron që grupi të përmirësojë edhe më shumë “shënjestrën”, pasi kërkon që ndaj Tomorit të mos përsëritet ndeshja e fazës së parë, kur gjetën avantazhin me vuajtje të madhe.

ADELA MERKO 

NDIQE LIVE "PANORAMA TV"