Tirana dhe Shehi në hall për mbrojtës, e shpëton “xholi”… Albano Aleksi
Të premten në orën 15:00, Tirana përballet me Laçin në Superiore. Tej problemeve të zakonshme, te Tirana Orges Shehi ka hall formacionin dhe repartin e mbrojtjes. Kështu, në këtë sfidë i mungojnë dy mbrojtës.
Bëhet fjalë për Luajn me të kuq dhe Najdovskin e dëmtuar. Në këto kushte, trajneri do të arnojë formacionin me Bekajn në portë, kurse mbrojtja me Toshevskin dhe Behiratçen.
Në krah të mbrojtësit me ngjyrë, Aleksi që zakonisht e shpëton Shehin. Me tërheqjen e Aleksit pas, i hapet vend Limajt që luan me Kallakun e Deliun. Sulmi po ai me Hasanin, Patrikun dhe Xhixhën. Hila mund të ketë një shans për të qenë titullar në këtë ndeshje, por kjo varet nga Shehi.
Nga ana tjetër, Filip Najdovski do të mungojë deri në sfidën me Erzenin, pasi ka një tërheqje dhe po riaftësohet. Huseini është gati për lojë, ashtu si pjesa tjetër e grupit. Gjithsesi, sytë janë tek ai.
Redon Xhixha është mbreti i këtij sezoni, sepse veç golave ka një asist dhe 751 minuta në fushën e lojës. 14 gola shënoi sezonin e shkuar Redon Xhixha me fanellën e Tiranës. Lojtari edhe vjet ishte vendimtar në shumë ndeshje që vendosën titullin.
PANORAMASPORT.AL
NDIQE LIVE "PANORAMA TV"