Tifozi e mallkon me vdekjen e fëmijëve, shikoni si reagon Bonuçi
Një mesazh i mbërritur në llogarinë e “Instagramit” të mbrojtësit të Juventusit, Leonardo Bonuçi, ka acaruar jashtë mase këtë të fundit, i cili nuk është përmbajtur në reagimin e tij. “Vdekshin të dy fëmijët e tu”, ishte mallkimi që Bonuçi mori në “Instagram”, ndërkohë që juventini nuk nguroi t’i kthente përgjigje.
“Ndoshta një ditë do të jetojmë në një botë më të mirë, por për tani shpresoj që të mbaj larg fëmijët e mi nga bota ku po jetojmë. Bota e njerëzve të tillë. Bota e dhunës së gjesteve, fjalëve dhe mendimeve. Tani fshi llogarinë, ndrysho profilin, telefono dikë që të të ngushëllojë, por askush nuk mund të të ndryshojë. Do të mbetesh i neveritshëm”, shkroi Bonuçi në një “Story” në Instagram.
NDIQE LIVE "PANORAMA TV"