Tifozët e Borusia Mynshengladbahut kanë menduar të shtojnë presionin dhe ankthin tek rivalët zikaltër sonte në mbrëmje. Disa mbështetës të klubit gjerman kanë tentuar të prishin gjumin e skuadrës italiane duke ndezur fishekzjarre në orën 4 të mëngjesit, të cilat zgjatën për 5 minuta.

Sipas mediave italiane, zhurmat kanë qenë shurdhuese. E gjitha kjo bëhet për të çorientuar psikologjikisht kundërshtarin, i cili ndodhet në pozitë tepër delikate në Ligën e Kampioneve.

Pas 4 ndeshjesh, Interi rrezikon sërish të mos kalojë fazën e grupeve teksa ka grumbulluar vetëm 2 pikë në 4 përballje. Gjermanët e Gladbahut kanë me vete 8 pikë dhe nisen favoritë ndaj zikaltërve, por për Konten dhe skuadrën e tij sot është “beteja” vendimtare.

PANORAMASPORT.AL

NDIQE LIVE "PANORAMA TV"

---