Erjon Hoxhallari është shprehur se është vetë Tirana që mund të rivalizojë bardheblutë për titull në këtë moment dhe nuk duhet të mendohet për diferencën e 9 pikëve me rivalët.

Në një prononcim të dhënë për “Supersport”, mbrojtësi i majtë është shprehur se tifozët e Partizanit duan t’i shohin lojtarët e Tiranës te ekipi i tyre.

“Për rifillimin e kampionatit do të kemi mangësi dhe do kemi probleme si fillim, por shpresoj të kapi ritmin që kishim para pezullimit. Vërtete jemi të shkëputur 9 pikë, por nuk janë shumë. Me gjendjen që kanë të gjitha ekipet, do jetë shumë e vështirë dhe nuk është njësoj si të ishim 9 pikë në formën që ishim dhe tani. Tani sikur jemi të gjithë me pikë të barabarta.

Për momentin jam shumë i fokusuar dhe më pas të shohim se çfarë do të ndodhë. Tifozët e Partizanit i duan të gjithë lojtarët e Tiranës te ekipi i tyre, por unë tani mendoj vetëm për bardheblutë tani. Të arrijmë titullin dhe më pas të mendojmë për titullin.

Ekipi i vetëm që mund ët na rrezikojë jemi vetëm ne. Nëse shprehemi si nga dhjetori deri në mars, nuk mund të na rivalizojë njeri.”, u shpreh Hoxhallari.

PANORAMASPORT.AL

NDIQE LIVE "PANORAMA TV"

---