Tifozët duan ndeshje, Tomori përgatitet për miqësore në fundjavë
Mungesa e një miqësoreje fundjavën e kaluar e ka shtuar interesimin e sportdashësve beratas, të cilët e presin një të tillë këtë fundjavë. Ata mezi presin ta shohin skuadrën në fushë, ndërkohë që një ndeshje testuese do të ndihmonte edhe stafin për të bërë bilancin e punës dyjavore me futbollistët.
Tifozët, në fakt nuk mungojnë as në seancat stërvitore, por syri i tyre kënaqet më shumë në një ndeshje, qoftë kjo edhe miqësore. Dëshira e tyre mund të plotësohet nga drejtuesit e Tomorit, të cilët janë vënë në lëvizje për të gjetur një kundërshtar për të shtunën.
Po të kemi parasysh edhe faktin se javën e parë të kampionatit Tomori do të jetë pushim, sipas kalendarit, atëherë zhvillimi i një miqësoreje në fundjavë është domosdoshmëri.
EDI SPAHIU – PANORAMASPORT.AL
NDIQE LIVE "PANORAMA TV"