Thyhet tabuja 70-vjeçare, klubi shqiptar aktivizon për herë të parë në histori një futbollist të huaj

Panorama Sport | Lajmet e fundit nga sporti

Postuar: Nëntor 5, 2020 | 23:58


Thyhet tabuja 70-vjeçare, klubi shqiptar aktivizon për herë të parë në histori një futbollist të huaj

Klubi juglindor i Maliqit, theu ditën e djeshme në sfidën ndaj Delvinës, një “tabu” 70-vjeçare, për sa i përket futbollistëve të huaj. I krijuar në korrik të vitit 1950, Maliqi kurrë në historinë e tij, nuk ka pasur në skuadër një futbollist të huaj.

Maliqi

Lojtari i parë i huaj që regjistron një prezencë me skuadrën maliqare, është japonezi, Kjota Uashida. Sulmuesi u aktivizua në minutën e 80-të, në sfidën e djeshme ndaj Delvinës, e vlefshme për Grupin B të Kategorisë së Dytë, duke zënë vendin e Mario Kames, duke u bërë pjesë e historisë së Maliqit, si futbollisti i parë jo-shqiptar që aktivizohet me bardhekuqtë.

Uashida

Kujtojmë që këtë sezon, skuadra e drejtuar nga trajneri Egli Malësija, ka afruar në gjirin e saj 3 japonezë, të cilët pritet të marrin minuta në ndeshjet e tjera të kampionatit.

PANORAMASPORT.AL




Për t’u bërë pjesë e grupit të "Panorama Sport" mjafton të klikoni: Join Group dhe kërkesa do t’ju aprovohet.
KOMUNITETI PANORAMA SPORT: https://www.facebook.com/groups/sportionline/