U zhvillua ditën e sotme në stadiumin e ri Kombëtar në kryeqytet sfida mes Vllaznisë dhe Apolonise e vlefshme për kampionatin e femrave, e cila shërbeu edhe si test për impiantin modern, në prag të sfidës ndaj Francës.

Vajzat shkodrane triumfuan me rezultatin 2-0 ndaj atyre fierake, duke u konfirmuar kështu si skuadra për t’u mposhtur në futbollin e femrave.

Golin e parë në stadiumin e ri Kombëtar, e shënoi futbollistja e Vllaznisë, Arbiona Bajraktari në minutën e 78-të. Kujtojmë që Bajraktari është pjesë edhe e ekipit Kombëtar të femrave.

Skuadra shkodrane nuk u mjaftua me kaq, teksa në minutën e 80-të dyfishoi rezultatin me anë të Esi Lufos! Pas një goditje fantastike të Megi Doçit nga afro 35 metra, topi u përplas në traversë, teksa Lufo e shtyu drejt rrjetës nga fare pranë vijës fatale.

Vllaznia-Apolonia femra on Vidnews.

PANORAMASPORT.AL

NDIQE LIVE "PANORAMA TV"

---